KUCHGA KIRGAN SANA: 21.10.2026
Ushbu siyosat revitmodel.uz qanday shaxsiy ma’lumotlarni yig‘ishi, ulardan nima uchun foydalanishi va qanday himoya qilishini tushuntiradi. Biz O‘zbekiston Respublikasining “Shaxsga doir ma’lumotlar to‘g‘risida”gi Qonuniga amal qilamiz.
01Qanday ma’lumotlar yig‘iladi
- Ro‘yxatdan o‘tishda: ism, foydalanuvchi nomi, elektron pochta, parol (shifrlangan holda saqlanadi — uni hech kim, jumladan ma’muriyat ham ko‘ra olmaydi).
- Profilda: avatar rasmi (ixtiyoriy).
- Faoliyatingiz: yuklagan modellaringiz va ularning rasmlari, izohlar, qo‘ygan baholaringiz, yuklab olgan modellaringiz ro‘yxati.
- Texnik ma’lumotlar: IP manzil, brauzer turi, cookie fayllar — saytning ishlashi va xavfsizligi uchun.
Ro‘yxatdan o‘tmasdan model yuklab olsangiz, faqat umumiy yuklab olishlar soni hisoblanadi — sizga tegishli ma’lumot saqlanmaydi.
02Nima uchun foydalaniladi
- Akkauntingizni yuritish va saytga kirishingizni ta’minlash;
- Model tekshiruvi natijalari, parolni tiklash kabi xabarlarni yuborish;
- Muallif ismi va avatarini uning modellari yonida ko‘rsatish;
- Spam, firibgarlik va hujumlardan himoyalanish;
- Umumiy statistika (qaysi modellar ommabop) asosida saytni yaxshilash.
Biz ma’lumotlaringizni sotmaymiz va reklama maqsadida uchinchi shaxslarga bermaymiz.
03Ommaga ko‘rinadigan ma’lumotlar
Ismingiz (yoki foydalanuvchi nomingiz), avatar, yuklagan modellaringiz va izohlaringiz saytda hammaga ko‘rinadi. Elektron pochtangiz ko‘rsatilmaydi.
04Ma’lumotlar qayerda saqlanadi
Sayt ma’lumotlar bazasi O‘zbekiston hududidagi serverda joylashgan. Sayt ishlashi uchun quyidagi xizmatlardan foydalaniladi:
- Cloudflare — saytni tezlashtirish va hujumlardan himoya qilish (trafik u orqali o‘tadi);
- Google — xat yuborish va shifrlangan zaxira nusxalarini saqlash;
- Telegram — yangi modellar haqidagi e’lonlar (faqat model nomi, rasmi va havolasi).
05Cookie fayllar
Cookie — brauzeringizda saqlanadigan kichik fayl. Biz ulardan saytga kirganingizni eslab qolish, til tanlovi va xavfsizlik uchun foydalanamiz. Brauzer sozlamalarida cookie’larni o‘chirishingiz mumkin, lekin unda akkauntga kirish ishlamaydi.
06Saqlash muddati
Ma’lumotlar akkauntingiz mavjud bo‘lgan muddatda saqlanadi. Akkaunt o‘chirilgach, shaxsiy ma’lumotlar 30 kun ichida o‘chiriladi (zaxira nusxalardan — ular yangilanishi bilan). Joylagan modellaringiz, agar o‘chirishni so‘ramasangiz, katalogda muallifsiz qolishi mumkin.
07Sizning huquqlaringiz
- Saqlangan ma’lumotlaringiz haqida bilish va nusxasini so‘rash;
- Ularni tuzatish — Profil sozlamalari orqali;
- Akkaunt va ma’lumotlaringizni to‘liq o‘chirishni talab qilish;
- Xabarnomalar olishdan voz kechish.
So‘rovingizni Telegram: @mir_abror7 orqali yuboring — 10 kun ichida javob beramiz.
08Xavfsizlik
Sayt shifrlangan (HTTPS) ulanish orqali ishlaydi, parollar shifrlangan holda saqlanadi, muntazam zaxira nusxalar olinadi. Shunga qaramay, internetda 100% xavfsizlik kafolati yo‘q — kuchli va boshqa saytlarda ishlatilmagan parol tanlang.
09O‘zgartirishlar va aloqa
Siyosat yangilansa, yangi sana shu sahifa yuqorisida ko‘rsatiladi. Savollar uchun: Telegram: @mir_abror7 yoki Aloqa sahifasi.
Shuningdek qarang: Foydalanish shartlari · Mualliflar uchun qoidalar